Sandy Starchild from Inselkönigin by Al Sunrise

Sandy Starchild

Über mia
sieg i weid
ins Oi.
Da Jupiter leicht,
doch der is
ned mei Foi.

Für d‘Leid bin i blos
de Sandra,
a graue Maus.
Doch I ko
durch Raum und Zeit reisn
und drüber naus!

In Wahrheit bin i:
Sandy Starchild!
Kimm überoi hie.
Sandy Starchild!

Håst Du gwusst:
Aufm Neptun
steht a Bar.
Draußd minus zwoahundad,
drin Jaga-Tee.
De Plätze san rar.

Übern Winter
dann zur Venus
auf a Beauty-Farm
– gönn ma a weng Bräune.
Weil då is
meistens recht warm.

Kimm überoi hie.
Sandy Starchild.
Im Oi kennd ma si.
Sandy Starchild.

I håb aa
an Freind
– den sieg i ned oft.
Jenseits von am Wurmloch
da håd er
a suppascheens Loft!

Zam warma sogar
scho amoi
in der Whirlpool-Galaxie!
Da war uns ganz damisch,
doch mia fliang boid wieda hie.

Fliag überoi hie:
Sandy Starchild!
Im Oi kennd ma mie.
Sandy Starchild!

• World
• avantgarde
• bavarian
• lyrics
• prog
• songwriter
• Germany