Fflam from Brigyn 4 by Brigyn

Pan fydd y nos ar ddechrau, a’r dydd yn dod i ben
Daw sŵn gitâr i gadw ’myd yn braf
Mi ganwn hen alawon, ryw hiraeth yn fy nghalon
Ar noson hwyr â choelcerth yn yr haf

Mae’r tân yn clecian ac mae’r mŵg yn llenwi’r aer
Yng nghwmni’r lleuad llawn a’r sêr
Mi nawn ni ddengid i ryw freuddwyd hudol fwyn
Yn gaeth i’r felodi a’i swyn

Tra bydd y fflam yn dal i gynnau ar y tân
Mi fydda i’n dal i ganu ’nghân
Tra bydd y fflam yn dal i’n cnesu gyda’i wres
Mi deimla i chdi’n dod yn nes... tyrd yn nes

Gorweddwn yn y glaswellt, rhoi blodau yn ein gwallt
A chlymu’n hun mewn rhamant drwy y mŵg
A churiad calon fydd yn gyrru’r gân o hyd
A chanu wnawn drwy’r dyddiau da a drwg

Mae’r tân yn clecian ac mae’r mŵg yn llenwi’r aer
Yng nghwmni’r lleuad llawn a’r sêr
Mi nawn ni ddengid i ryw freuddwyd hudol fwyn
Yn gaeth i’r felodi a’i swyn

Tra bydd y fflam yn dal i gynnau ar y tân
Mi fydda i’n dal i ganu ’nghân
Tra bydd y fflam yn dal i’n cnesu gyda’i wres
Mi deimla i chdi’n dod yn nes... tyrd yn nes

Ac os bydd y fflam yn diffodd pan ddaw’r wawr
Ni fydd llwch na lludw yn ein dal ni i lawr... i lawr.

• Brigyn
• Cymraeg
• Cymru
• Electronica
• Eurig
• Folk
• Folktronica
• Glockenspiel
• Melodic
• Pop
• Wales
• Welsh
• World
• Ynyr
• United Kingdom