Bolh from Dirècte by CXK (Courtial X Kogane)

Soi una batèsta
Planta tos uèlhs dins mon uèlh
Coma un miralh esfatat
Te remeni lo bacèl

Ai tant de caras sens nòrmas
Tant de trevanças poiridas
Mon sentiment es de vòrma
Estranh coma de feridas

Soi çò que coneisses lo mai
Totjorn aqui. L'odor de mòrt.
La suaudor dal baralh
Las premícias dal malsòrt.

I a dins lo fuòc de ma vida
Coma una enveja violenta
Mon libre amai ta Bibla :
Una gaudença dolenta

Sèm pas liures. Pas encara.
M'avètz raubat ma folia,
Mon vici amai mon orgia,
Mon gaudiment de la mòrt.

En cada jorn ; sorns e fregs
Dansarai en morissent.
M'esfoeirai de profièch
Borrat per Caramentran.

Uèi es la fèsta dal vuèg,
Sautarai de fuòc en boca
Una beluga de pluèg
Per un auratge de dobte

Pissi al cuòl dal poder
Estonat coma un enfant
I pòdi gitar de bren
Sens un sol castigament!

Me sentissi òme e femna
Tòrna l'enveja violenta...
Lo chuc s'escapa a pro pena
E me mena la mòrt lenta...

• Rock
• musica occitana
• occitan
• steve albini
• stoner rock
• transe
• Toulouse