kiss from 333 by d'bi.

last night inna di middle a di light miss merl
seh mi kiss a black seh mi kiss a black eh
last night inna di middle a di light miss merl
seh mi kiss a black girl (repeat)

now mi know it taboo fi true
but mi coudn’t keep dis yah information to miself
mi first kiss wid a girl mi woulda haffi share it wid somebody else
keeping it in would surely be a sin

har lip dem curl in toward mi
neva know what lick mi
and all mi try mi couldn’t close mi yeye
caz dis was not like when yuh kiss a bwoy
and yuh lock yuh lid dem tight tight tight
pretend you is a princess and him is a knight
no it wasn’t like dat dis time
I wanted to see when har lip dem touch mine
feel wi mouth juice intertwine
caress har teeth caress har gum
and taste di womban sweet sweet sweet
sweet sweet sweet sweet sweetah dan a man

last night inna di middle a di light miss merl
seh mi kiss a black seh mi kiss a black eh
last night inna di middle a di light miss merl
seh mi kiss a black girl

and dem mi realice stop dead inna mi track
so dat mi nearly ketch up heart attack
miss merl is a black girl mi did a kiss
har skin brown and shine like mine
wid two dark lips
har leg dem strong and thick like mine
and wid di absence of dat dick
di powah play was a trick
caz dere was no powah play miss merl

and in some small part a mi mind
mi wish mi could freeze dat feeling in time
and tek it out when mi feel oppressed and dispossessed
caz inna disya powah structcha
di black oomaan deh a di bottom a di laddah miss merl miss merl miss merl

last night inna di middle a di light miss merl
seh mi kiss a black seh mi kiss a black eh
last night inna di middle a di light miss merl
seh mi kiss a black girl

and in some small part a mi mind
mi really really wish mi could freeze dat feeling in time
and tek it out when mi feel oppressed and dispossessed
becaz inna disya powah structcha
di black oomaan deh she deh she deh a di bottom of di laddah

and suh when mi kiss dat black girl
inna di middle a di light miss merl
a di first time mi feel sexuality
wid a hint of equality wid a hint of equality wid a hint of equality

last night inna di middle a di light miss merl
seh mi kiss a black seh mi kiss a black eh
last night inna di middle a di light miss merl
seh mi kiss a black girl (repeat 4)

• Spoken Word
• drum and bass
• dub poetry
• dubpoetry
• dubstep
• electronic hiphop
• reggae
• Canada