Yr Adlodd from Carneddi by Iestyn Tyne

‘Yr olygfa o ddrws fy nhŷ amser y cynhaeaf gwair’ yw teitl yr englyn, a gyhoeddwyd yn yr Herald Cymraeg ddiwedd Gorffennaf 1945; un o argraffiadau Carneddog o’i haf olaf yn y Carneddi, felly, er na wyddai hynny ar y pryd. Mae fy nhribannau innau’n dychmygu caeau’r Carneddi ar noson dawel, wedi’r cynaeafu; noson ar ddechrau Awst 1945, a phopeth yn ddigyffro, am y tro.

/

Carneddog's englyn, published in Yr Herald Cymraeg in late July 1945, gives us his impression - unbeknownst to him - of his last summer at Carneddi, as he looks out from the front door of his house at the hay meadows. My own lyrics, in the triban form, imagine the fields at Carneddi on a quiet evening after the harvest; an evening in early August 1945, with all, seemingly, at peace.

Tracklist

4.	Yr Adlodd	5:23

Lyrics

Am degwch fy nghymdogaeth – y soniaf,
Ei swynion sydd odiaeth;
Hulir gweirgloddiau helaeth
O glws drem hyd y glas draeth.

/

Y gwair sydd wedi’i gario
â bendith dan y bondo;
mi ddaw y glaw i’r caeau glân
yn fân – mae’n hydref heno.

Y min aeth o’r crymanau,
a’r aur fu hyd yr erwau,
y mwydro doeth, a chwimder dur
y bladur yn y blodau.

Os yw hi’n llonydd, llonydd,
ar ysgwydd noeth y mynydd
mae’r haf yn glaf, a daw i glyw
rhyw ddilyw ar ei ddolydd.

A’r llwybr at y llethrau
sy’n cymell yn fy nghamau,
a Duw ei hun sy’n gadael dôr
ar agor rhwng y creigiau.

Credits

from Carneddi, released May 1, 2025
Englyn: Richard Griffith (Carneddog, 1861-1947) | Alaw: Iestyn Tyne | Alaw a geiriau’r tribannau: Iestyn Tyne

License